Скарлет Јохансон не планира да се врати во филмскиот универзум на Marvel.
Славната актерка која дебитира како Црна вдовица во Iron Man 2, пред да глуми во серијалот Avengers и потоа Black Widow од 2021 година – не планира да глуми суперхеројка на Marvel во иднина.
Во текот на поткастот на Goop, Скарлет разговараше со Гвинет Палтроу, која глуми како Пепер Потс во филмовите за Iron Man.
„Беше прекрасно, најдоброто време досега. Мислам, снимањето на Avengers еше многу забавно. Имав 26 години, бев сингл, ми беше забавно! Немав никаква одговорност кон никого, освен само да уживам“, рече Скарлет.
„И потоа на секои две години се враќавме назад и го правевме тоа повторно и сите бевме на разни места во нашите животи. Некој доби дете, некој се венча или разведе, или повторно се венча или што и да е. Сето тоа беше летен камп за возрасни. И беше интересно… едно од најдобрите искуства“, откри актерката.
„Уникатно искуство, но завршувам со ова поглавје. Направив сè што требаше да направам. Го глумев истиот лик повеќе од една деценија, доста беше“.
