Високиот крвен притисок или хипертензија е еден од најголемите фактори на ризик за развој на кардиоваскуларни и цереброваскуларни заболувања.
Истражувањата покажуваат дека речиси 40 отсто од возрасните во светот страдаат од оваа појава, а доколку навреме не се контролира може да биде опасна по живот.
Има некои скриени знаци кои можат да укажуваат на висок крвен притисок, а многу луѓе ги игнорираат.
Вртоглавица
Наглите промени на крвниот притисок може да доведат до бројни необични несакани ефекти кои многумина не би ги ни поврзале со него, а една од нив е вртоглавица. Како што објаснуваат лекарите, многу луѓе можат да страдаат од вртоглавица долги години без да знаат дека тоа е поврзано со високиот крвен притисок.
Анксиозност
Освен вртоглавица и можни проблеми со рамнотежата, луѓето со висок крвен притисок може да доживеат и необјаснива агитација. Имено, наглите промени на крвниот притисок доведуваат до чувство на возбуда или анксиозност.
Главоболка
Главоболката е чест несакан ефект на многу здравствени проблеми, вклучувајќи го и високиот крвен притисок. Лекарите објаснуваат дека доколку забележиме дека главата ни боли почесто и почесто од вообичаено, треба да побараме стручна помош бидејќи, меѓу другото, може да се работи и за висок крвен притисок.
Проблеми со спиењето
Најчестите проблеми поврзани со спиењето што ги имаат луѓето вклучуваат несоница, замор во текот на денот и апнеја или ненадеен прекин на дишењето за време на спиењето. Лекарите објаснуваат дека една од причините за овие проблеми може да биде токму покачениот крвен притисок.