Ова е опасен момент за Блискиот Исток, без разлика кој е одговорен за нападот на болницата „Ал-Ахли“ во Газа, изјави Алистер Бункал, дописник на Sky News за Блискиот Исток.
„Арапскиот свет нема да им верува на тврдењата на Израел дека експлозијата била предизвикана од ракета лансирана од Газа. Не тврдат само Хамас и Исламскиот џихад дека Израел ја погодил болницата, туку и многубројни хуманитарни организации“, рече Бункал.
„Видеото објавено од Израел, кое наводно покажува дека тој не е одговорен за нападот, е неубедливо. Ова може да биде пресвртница во конфликтот: дали сојузниците на Израел ќе ѝ кажат на владата да запре и да ја контролира ситуацијата или ќе се отворат нови фронтови во Либан, Западниот Брег или Ирак?“, додаде тој.
„Утрово, американските сили во Ирак наводно собориле два дрона во близина на една од нивните бази. Затоа она што се случува во Газа е многу опасно за поширокиот регион“, смета Бункал.
