Славната актерка Џулија Робертс е мајка на три деца и добро знае колку родителството умее да биде тешка работа. За да им се посвети на децата, таа направи 20-годишна пауза од глумата.
Робертс со сопругот Даниел Модер се запозна на снимањето на филм на кој работеа заедно. Брачната двојка не крие дека денес се исто вљубени како и првиот ден. Од бракот им се родија три деца.
Воопшто не е тајна дека Џулија е прилично строга мајка.
„Се обидувам децата да ги чувам подалеку од социјалните мрежи бидејќи не разбирам на кој начин тие би им биле корисни“, изјави во една прилика и додаде дека на децата им го ограничува и времето за гледање телевизија.
„Горда сум што сум дома со моето семејство“, одговори актерката кога новинарите ја прашаа дали ѝ недостига глумата.
Како што пишува Fox News, Робертс е строга мајка, но лесно не ги губи нервите. Смета дека е важно децата да си ги знаат границите.
„Ако направат нешто лошо, не ги казнувам. Повеќе сакам да разговарам со нив. Мислам дека моето сериозно лице кажува сѐ“, објасни таа.
Децата ги чува подалеку од очите на јавноста, затоа семејството се пресели од Лос Анџелес во Сан Франциско, каде можат да бидат поопуштени.
„Животот што го изградив со сопругот и нашите деца е најдобрата работа што ми се случи во животот. Поентата е на крајот од денот да си дојдеш дома и со нив да го прославиш постигнатото“, изјави таа во интервју за CBS Sunday Morning.
Робертс води мирен, нормален семеен живот како воопшто да не е една од најславните холивудски актерки. Ужива во домашните обврски, им помага на децата во училишните задачи, ги учи децата дека е важно сите да учествуваат во домашните обврски бидејќи, според неа, тоа се важни животни вештини.