Оваа зима ќе биде најтешката во историјата на независна Украина поради руските напади врз енергетската инфраструктура и поради прекините на електричната енергија, греењето и водоснабдувањето, изјави Максим Тимченко, шеф на DTEK, најголемата приватна енергетска компанија во Украина, во интервју за Sky News.
Но, Тимченко превидува дека Москва нема да може да ја завитка Украина во темнина и студ предолго со ракетни напади поради способноста на Украина брзо да ја поправи штетата и дека Украинците ќе издржат и покрај обидот на Русија да ги замрзне.
„Ќе преживееме и ќе победиме“
„Ќе преживееме и ќе победиме“, рече тој, а потоа додаде дека работниците на DTEK и Ukrenego, државната електроенергетска компанија, преземаат големи лични ризици за што поскоро да ги поправат погодените електрани, трафостаници и другите елементи на електричната мрежа.
„Тоа има исто значење за победите на Украина како и бојното поле“, рече Тимченко, додавајќи дека досега четворица вработени во DTEK се убиени за време на должноста од почетокот на руската инвазија на Украина. Тројца загинаа во ракетни напади, а четвртиот беше убиен од руска мина.
