Извршниот директор на Tesla, Илон Маск, откри детали за претстојната автомобилска платформа, која ќе биде трета во целина по големата што ја користат Model S и X и компактната на која се базираат Model 3 и Y.
Маск рече дека новата платформа ќе биде помала во споредба со платформата Model 3 и Y и ќе достигне приближно половина од нејзината цена. Сепак, тој не откри кога ќе пристигне новата платформа, туку дека таа е примарен фокус на тимот за развој на нови возила.
Тој истакна дека производството на следниот автомобил на Tesla ќе ги засени бројките на Model 3 и Model X, кои сочинуваа до 95 отсто од вкупните испораки во третиот квартал од 2022 година. Во својата изјава тој отиде чекор подалеку велејќи дека новиот модел ќе го надмине производството на сите други автомобили на Tesla заедно.
Производството на два примерока од новиот автомобил ќе ја чини Tesla исто колку и производството на еден Model 3.
Сепак, и покрај поевтината платформа, тоа не мора да значи дека новиот автомобил ќе биде двојно поевтин од Model 3, но цената дефинитивно ќе биде значително пониска.
Кога новиот модел ќе се појави на пазарот, тешко е да се каже, но тоа нема да се случи додека Tesla не биде во целосно производство на Cybertruck и Campion Semi. Затоа, овој автомобил не треба да се очекува пред 2024 година, освен ако фабриката на Tesla во Кина не добие „зелено светло“ за да го донесе моделот на пазарот порано.
