Во неодамнешните поплави во Словенија, водата оштети многу автомобили.
Сопствениците на овие возила последниве денови ги продаваат забрзано, дури и повеќе од половина поевтино, пишува Бизнис.рс. Сепак, се поставува прашањето дали е препорачливо да се купи таков автомобил.
Неодамна на најголемиот словенечки интернет портал за продажба на возила, Avto.net, се најдоа бројни поплавени автомобили. Продавачите на возила при објавувањето може да наведат дека автомобилот бил поплавен.
Во моментов на страниците се нудат повеќе од 90 возила, вклучувајќи ги и оние што се во возна состојба, како и оние што не се. Цените на тие автомобили често се и повеќе од 50% пониски од цените на возилата кои не биле поплавени, пишува N1.
Автомобилските експерти велат дека е подобро да се избегнува купување на таков автомобил. Но, важно е и за каков автомобил се работи, а пред сѐ колку и до каде стигнала водата.
Ако е стар автомобил со помалку електроника, проблемот може да биде помал, но ако е понов, проблемот е поголем. Особено ако водата навлегла во самиот автомобил.