Еден од најпопуларните сопственици на замокот бил и словенечкиот Робин Худ.
Предјамскиот замок е готска градба изградена во истоименото село Предјама, недалеку од Постојна, во југоцентралниот дел на Словенија. Изградбата на замокот започнала во 13 век на остра карпа висока 123 метри, поради што сè уште изгледа како да виси од неа.
Неговата стратешка позиција им овозможувала на сопствениците да го видат доаѓањето на непријателот пред да им се приближи. Доколку проценеле дека одбраната не е невозможна, комплицираната мрежа од подводни тунели и скриени ходници сместени под замокот овозможувале безбедно бегство.
Предјамскиот замок имал многу сопственици, а најпознат бил Еразмо Предјамски, кој го нарекуваат и словенечки Робин Худ затоа што крадел од богатите и им давал на сиромашните.
Замокот стар 800 години денес е претворен во музеј и е отворен за јавноста.
Туристите најчесто го посетуваат во август, кога се одржува Еразмовиот витешки турнирот и кога можат да се видат спектакуларните битки на модерните витези од Словенија и светот.
Како денес изгледа средновековниот замок кој виси на карпа можете да видите и во видеото на Great Big Story: