Софија Вергара долго време го држеше првото место на листата на најплатени холивудски актерки, но од овој месец веќе не е така.
Потврдено е дека благодарение на улогата во филмот Barbie за која добила неверојатен хонорар од 12,5 милиони долари, Марго Роби моментално е најплатената актерка во светот. Истата сума наводно ја добил и нејзиниот колега во филмот, Рајан Гослинг.
Ова е најплатената улога на Марго Роби до сега, а неодамна објавениот трејлер ги воодушеви обожавателите на најпознатата кукла во светот.
Марго, која има 32 години, досега има одиграно бројни улоги во филмови кои ја воодушевија публиката и критиката. Минатата година австралиското издание на престижниот магазин Maxim ја прогласи Марго за најубава жена во светот.
Инаку, 50-годишната Вергара беше најплатена актерка благодарение на улогата во серијата Modern Family, како и ангажманот во шоуто America's Got Talent.
