Мегапопуларната серија на Netflix „Squid Game“ сепак ќе добие нова сезона, потврди режисерот Хванг Донг-Хјук.
Доколку сè уште сте под импресии од првата сезона од возбудливата и напната серија „Squid Game“, тогаш подгответе се за нов емотивен ролеркостер бидејќи ќе се снима и втора сезона.
Режисерот на јужнокорејската серија рече дека плановите се во тек и дека главниот лик ќе тргне во нови авантури.
Потврда за пристигнувањето на втората сезона ја објави Associated Press.
„Ќе се снима и втора сезона. Во моментот правам планови, имам многу притисок, многу барања и многу голема желба за да направам втора сезона“, вели режисерот.
Кога ќе се појави новата сезона на Netflix, засега нема информации.
Серијата за 17 дена имаше 111 милиони прегледи на Netflix.
