Извршниот директор на Amazon и американски милијардер Џеф Безос беше исмејуван на социјалните мрежи откако го посети Disney World и објави фотографии на кои седи на ролеркостер, кои многумина ги опишаа со зборовите „валкано богат и неверојатно осамен“.
Според фотографиите кои ги сподели TMZ, 58-годишниот милијардер бил виден во Disney World со неговата девојка Лорен Санчез и неколку телохранители.
Се чинеше дека парот ужива во атракциите како што се Jungle Cruise, Incredicoaster и Grizzly River Run.
Сепак, на една од фотографиите, која стана хит на социјалните мрежи, Безос може да се види како седи сам на ролеркостерот Space Mountain.
Засега останува нејасно зошто бил сам на затвореното возење. Корисниците на Twitter не чекаа многу за да се потсмеваат на милијардерот откако фотката стана вирална.
И покрај фактот што Безос го посети забавниот парк со девојката Лорен и телохранителите, многумина го исмеваа користејќи го популарниот цитат: „Среќата со пари не се купува“.
Еден од коментарите истакна дека Безос изгледа дека воопшто не се забавува.
„Оваа фотографија на Џеф Безос како сам седи на ролеркостерот Space Mountain е една од најсмешните, најпатетичните прикази на богатство што некогаш сум ги видел“, се вели во друг твит.
„Фотографијата на Џеф Безос сам на Space Mountain во Дизни Ворлд е совршена метафора за тоа да се биде валкано богат и неверојатно осамен“, напиша друг корисник на Twitter.