Плановите за три нови продолженија на „Star Wars“ беа претставени во петокот, вклучително и она во кое Дејзи Ридли ја повторува нејзината улога на џедај хероина во далечна галаксија.
Ридли ќе го портретира ликот на Реј во приказна сместена 15 години по настаните од „The Rise of Skywalker“ од 2019 година. Претстојниот филм ќе се фокусира на обновата на новиот Џедај ред додека други се здружуваат за да го урнат, наведуваат од Disney.
Претседателката на Lucasfilm, Кетлин Кенеди, ги објави новите проекти во Лондон на годишната конвенција на обожаватели Star Wars Celebration, каде актерката излезе на сцената за да го потврди своето враќање во блокбастерската франшиза.
Disney го купи Lucasfilm во 2012 година за 4 милијарди долари и објави три хит филмови од 2015 до 2019 година, плус неколку ТВ серии на Disney+ стриминг платформата.
Компанијата го паузираше снимањето на новите делови од „Star Wars“ по последниот дел, а филмот што требаше да биде објавен оваа година, „Rogue Squadron“, беше отфрлен, заедно со неколку други кои беа во рана фаза на развој.
Disney и Lucasfilm не ги открија датумите на објавување на ниту едно од трите нови продолженија. Сепак, сегашната листа на Disney вклучува датуми за празбики во 2025 и 2027 година за филмови од франшиза без наведени наслови.
