Ако се сеќавате дека пред неколку години Apple имаше проблеми бидејќи беше откриено дека ги намалува перформансите на старите модели со цел наводно да заштеди батерија. Меѓутоа, ако сте во Франција, ова не важи и вашиот стар телефон ќе работи побрзо.
Според извештаите од корисниците во Кина, сѐ што треба да направите со iPhone телефоните од постарата генерација е да отидете на поставките и да ја изберете Франција како ваш регион. После тоа, вашите перформанси ќе се зголемат, а впечатокот за вашата работа ќе биде видливо подобар.
Причината зошто се случува ова е дека Apple беше казнет во Франција кога беше откриена практиката за намалување на фреквенцијата на работа на процесорот. Оттогаш Apple е многу внимателен кога станува збор за перформансите на iPhone во оваа земја.
Да потсетиме, практиката на Apple да ја намалува брзината со цел да ја зачува батеријата предизвика телефоните да станат значително побавни преку ноќ. После тоа, Apple доби убава казна во Франција со наредба дека не смее повеќе да го прави тоа, а слично се случи и во други региони.
На пример, Apple не плати никаква казна во Кина, но мораше да воведе правило за намалување на цената за замена на батерии. Покрај тоа, Apple мораше да додаде опција за проверка на „здравјето“ на батеријата во самиот систем, за да можат корисниците да го следат статусот на нивната батерија. Корисниците мислеа дека после ова Apple нема да ги намали перформансите на нивните телефони, но се чини дека погрешија.
Некои корисници добија разлики во перформансите со промената на регионот, особено кај постарите телефони (iPhone 6, 7 и 8). Меѓутоа, ако го направите тестот на телефонот од најновата генерација, ќе видите дека нема разлика, што значи дека Apple сѐ уште не го вовел правилото за намалување на работните фреквенции за своите нови модели.
За тестовите беа користени Antutu и GeekBench 5, а корисниците велат дека постојат значителни разлики во перформансите за време на секојдневната употреба.