Инфлуенсерката и поранешна стјуардеса Кристина Грабеж често споделува видеа на своите социјални мрежи во кои опишува како изгледа работата на една стјуардеса, со што се среќаваат сите на летовите, и открива неколку помалку познати факти за оваа интересна професија.
Таа во едно од најновите видеа покажа како изгледа лет со една од најскапите први класи во авион.
„Иако многу авиокомпании имаат свои првокласни верзии, авиокомпаниите од Блискиот Исток имаат некои од најексклузивните и најскапите места во авионот“, вели Кристина на почетокот на видеото, додавајќи дека секое седиште има посебна врата што може да се затвори за да се обезбеди целосна приватност на патниците.
Додатоците во прва класа, како грицки, слушалки и ќебиња, се подобри од остатокот од авионот, а патниците од прва класа добиваат и комплет со козметика и пижами.
„Покрај стјуардесата, гостите во првата класа ги послужува и готвачот, а јадењата се исто така многу подобри отколку во остатокот од авионот“, рече Кристина, а потоа откри и колку чини билетот за прва класа.
„Сето тоа изгледа убаво, но билетот од прва класа во овие компании може да чини и над 10.000 евра“, откри таа на крајот од видеото кое собра над 13.000 лајкови.