Откако два европски натпревари одигра во Охрид, сега македонскиот шампион натпреварувањата ќе ги продолжи во престолнината.
Актуелниот шампион на 1.МФЛ соопшти дека натпреварот наредниот четврток против луксембуршкиот тим Свифт Хеспер ќе го игра на Националната Арена „Тодор Проески“ во Скопје, наместо на „Атина Бојаџи“ стадионот во Спортскиот центар „Билјанини Извори“ во Охрид. Причината за промената на локацијата е тоа што стадионот во Охрид не ги задоволува критериумите на УЕФА за играње интернационални натпревари од овој ранг.
Стружани дојдоа до Европа Коннференциската лига откако доживеаја елиминација од Лигата на шампионите од литванскиот Жалгирис губејќи 1:2 во Охрид, а потоа 0:0 во Литванија, по што продолжија во Конференцијата. Таму веќе го елиминираа црногорскиот претставник Будучност победувајќи на двапати, 1:0 во Охрид и 4:3 во Подгорица.
Свифт Хеспер е пречката во третото квалификациско коло, а доколку минат ќе ги дели само уште една рунда до пласман во групната фаза.
Натпреварот во Скопје ќе се игра на 10 август, а реваншот во Луксембург е седум дека подоцна, на 17-ти.
