Серијата „Succession“ на HBO, која ги следи аферите на моќни семејства чии членови коват завери и меѓусебно си пакостат, доби 25 Еми номинации за телевизиски достигнувања.
Драмската серија ќе се натпреварува со јужнокорејската серија „Squid Game“ на Netflix, која доживеа светска популарност, а во историјата влезе како прва продукција на јазик кој не е англиски. Се натпреварува за Еми во таа главна категорија.
Наградите ќе се доделат на 12 септември, а во трка се и успешните ТВ-серии како „Stranger Things“, „Ozark“ и „Better Call Saul“.
Во категоријата хумористични серии, најдобра позиција со 20 номинации има „Ted Lasso“, (Apple TV+).
Во категоријата мини серии, 20 номинации има „The White Lotus“ (HBO) која ја исмејува хипокризијата и површноста на богатите гости на луксузен хотел на Хаваи.
Зендаја влезе во историјата на Еми како најмлада номинирана актерка во категоријата за оригинална музика и стихови за серијата „Euphoria“. Актерката е номинирана втора година по ред, во 2021 година тогаш 24-годишната актерка беше најмладата жена која има добиено Еми за најдобра актерка во драма серија.
Зендаја доби две дополнителни номинации за Еми наградите во 2022 за најдобра оригинална музика и стихови за „I’m Tired“, како и за „Elliot’s Song“.
