Компанијата U-Boat Worx претстави нов член од својата флота, луксузната подморница Super Sub која во вода е побрза и од делфини.
Станува збор за подморница со сила од 60 kW која може да нурне и излезе на површина под агол од 30 степени и да достигне длабочина од 300 метри. Од компанијата тврдат дека станува збор за најдинамичната подморница на пазарот.
Дизајнирана е како дел од програмата на U-Boat која им овозможува на купувачите да учествуваат во процесот на создавање на својата нова подморница, а резултатот во овој случај е интересна подморница која може да се носи со големиот поморски живот, а истовремено нуди поглед на околината.
Во подморницата има доволно место за капетан и двајца патници, а внатрешноста е слична како во луксузен автомобил.
Првиот примерок ќе биде испорачан во 2023 година.
