Децата и адолесцентите се во помал ризик од добивање на тежок облик на COVID-19, соопшти денеска Светска здравствена организација, при тоа упатувајќи апел до државите да ги споделат вакцините со сиромашните држави во рамките на програмата КОВАКС.
СЗО укажа на ретката појава на воспаление на срцевиот мускул кај помлади лица по примање на вакцините на Pfizer и на Moderna, но нагласи дека последиците се благи и луѓето кои имале несакани ефекти добро реагирале на лекувањето на миокардитисот.
– Бидејќи многу делови од светот се соочуваат со недостиг на вакцини, земјите кои вакцинирале многу луѓе треба прво да ги споделат вакцините со остатокот од светот, пред да ги вакцинираат децата и адолесцентите, порачаа од СЗО.