Ерасмо Видал (61), татко на поранешната ѕвезда на Јувентус, Барселона, Баерн и Интер, Артуро Видал (35), починал вчера во коњичкиот центар „Club Hípico de Santiago“ во главниот град на Чиле.
Според првичните информации, смртта настапила по срцев удар поради хиповолемичен шок. Лекарската екипа која пристигнала по повикот на итната помош не можела да го спаси, а обидите за реанимација биле неуспешни.
Артуро Видал, кој во текот на летото од Интер се пресели во бразилскиот прволигаш Фламенгу, реши да остане во својот клуб во Саун Паулу, каде вечерва ќе игра против Коринчјанс.
Медиумите пишуваат дека нивниот однос не бил особено добар, а Артуро Видал е поврзан со коњичкиот центар бидејќи поседува неколку коњи, каде што работел татко му. Тоа всушност била единствената врска меѓу двајцата, бидејќи Ерасмо го напуштил семејството кога малиот Артуро имал само 5 години.