Руската лизгачка Камила Валиева остана без медал на Зимските олимписки игри во Пекинг.
По кратката програма во вторникот беше лидер, но по последниот настап во четвртокот и неколку падови, натпреварот го заврши во солзи и на четвртото место, со што избегна непријатна сцена бидејќи немаше да добие медал доколку го освоеше.
Ана Шебаркова од Русија го освои првото место во уметничко лизгање на Зимските олимписки игри. Третото место ѝ припадна на нејзината сонародничка Александра Трусова, а бронзениот медал ѝ припадна на Јапонката Каори Сакамото. Четвртото место го освои 15-годишната руска сензација Камила Валиева, која во Кина доживуваше вистинска драма бидејќи при допинг контрола во крвта ѝ беше пронајдена недозволена супстанца.
Валиева го заврши својот настап во вторникот во солзи, а подоцна ѝ се слоши. Стресот околу целата ситуација лошо се одразил на нејзиното здравје. Веднаш по настанот била однесена во Олимпиското село каде ѝ била укажана потребната нега и помош, но не се работи за сериозна болест.
Ја преживеа драмата
Валиева на 25 декември на Руското национално првенство беше позитивна на забранетата супстанца триметазидин, која е состојка во лекот за проблеми со срцето, но веста беше објавена само шест недели подоцна, што ѝ овозможи да се натпреварува на ЗОИ во Пекинг.
Само еден ден подоцна се дозна за нејзиниот позитивен тест. Судот за спортска арбитража (CAS) го одобри настапот на Валиева на следното натпреварување на Зимските олимписки игри, но нема да биде дозволено да добие медал. Организаторите на Игрите најавија дека нема да ѝ дадат медал на Вали доколку го освоеше денеска, бидејќи уште не е решен случајот во кој таа е обвинета за допинг.
Нејзиниот аргумент беше дека оваа контаминација настанала со мешање со лек што го примал дедо ѝ. Тинејџерката доби одобрение од CAS да се натпреварува во сингл во вторникот, откако CAS се согласи со одлуката на Руската антидопинг агенција (RUSADA) за укинување на забраната.
Публиката ѝ оддаде почит
Kонцентрацијаta денеска не ѝ беше на ниво, Валиева во солзи го заврши настапот во финалето на ова натпреварување. Се обиде да се воздржи, видно разочарана од својот настап, но не можеше. Публиката се крена на нозе во салата и ја поздрави со аплауз.