Двајца возачи се здобиле со тешки телесни повреди, а еден со телесни повреди во сообраќајна несреќа која се случи синоќа на Магистралниот пат А4 Струмица-Ново Село, во близина на село Дабиље.
Како што информираат од МВР, сообраќајната несреќа се случила помеѓу патничко возило Volkswagen Polo со италијанска национална ознака, управувано од В.А. (52) од село Еднокуќево, струмичко, патничко возило Audi A3, управувано од М.М. (31) од Струмица и патничко возило Fiat Tipo, управувано од М.К. (52) од Струмица, двете со струмички регистарски ознаки.
Во несреќата возачите В.А. и М.М. се здобиле со тешки телесни повреди, а возачот М.К. се здобил со телесни повреди, констатирани во Медицински центар Струмица.
Увид извршила екипа на Полициската станица Струмица.