Многумина беа пријатно изненадени кога Mercedes-Benz пред неколку недели го претстави ентериерот на EQS. Сега, EQS се појави на патиштата и можеме да кажеме дека изгледа многу моќно.
Автомобилот забрзува до стотка за нешто помалку од четири секунди, а неговата максимална брзина е ограничена на 210 км/ч. Mercedes Benz EQS ќе доаѓа со две батерии со различен капацитет: 90 kWh и 107,8 kWh. За споредба, Tesla Model S има батерија од 100 kWh. Автономијата на ова електрично возило е импресивни 770 километри со едно полнење со посилната батерија. Кога е вклучен на брз полнач од 200 kWh, за само 15 минути добива енергија за 300 километри ново возење, што е многу побрзо и повеќе од конкуренцијата.
Веќе пишувавме за импресивниот екран на допир со големина од 55 инчи, кого Mercedes го нарекува Hyperscreen. Иако делува како еден голем екран, всушност се три споени помали екрани. Оперативниот систем користи вештачка интелигенција за да им лесни многу работи на возачите.
Импресивниот дисплеј користи и надополнета реалност, а навигацијата е многу полесна со 3D стрелките кои го покажуваат движењето, а кои се во видното поле на возачот.
Hyperscreen го движи моќен процесор со 8 јадра и 24GB RAM, за да нема никакво доцнење или сецкање на самиот екран.
Погледнете како изгледа EQS во движење: