Актерот Даниел Крег не планира по смртта да им го остави богатството на неговите деца бидејќи смета дека тоа е невкусно.
„Живеј и умри без пари“ е животната филозофија на актерот чие богатство се проценува на 160 милиони долари.
„Не сакам на идните генерации да им оставам во наследство многу пари. Сметам дека тоа е невкусно“, изјави 53-годишниот Даниел за британскиот магазин Candis.
Всушност, тој размислува да се ослободи од парите пред да умре.
„Зар не постои стара изрека дека ако умрете како богата личност, не сте успеале во животот“, вели тој.
Инаку, Крег има 29-годишна ќерка од првиот брак, а во септември 2018 година стана татко на уште ќерка која ја доби со актерката Рејчел Вајс, со која се венчаше во 2011 година.
