Тензичните главоболки и мигрените се најчестите типови на главоболки, но точната причина за овие состојби сè уште не е позната. Сепак, тим од научници од Германија дојде до интересни резултати.
Научниците проучувале магнетна резонанца на 50 пациенти за да ја анализираат поврзаноста помеѓу зачестеноста на главоболката, болката во вратот и движењата на мускулите на лицето.
Конкретно се фокусирале на трапезиусните мускули - големите триаголни ткива што се протегаат низ задниот дел на вратот и рамената и водат до главата и лопатките на рамената.
Истражувачите откриле дека оние што страдаат и од главоболки од типот на напнатост и од мигрена покажале поголемо оптоварување на тие мускули на вратот. Со други зборови, главоболките се резултат на буквално болка во вратот.
Скеновите со магнетна резонанца направени од научниците покажале дека во деновите кога учесниците страдале од болки во главата и вратот, тие исто така покажале повисоки нивоа на стрес на вратот, што укажува на тоа дека тие мускули биле воспалени.
Ова ги наведе експертите да заклучат дека воспалението во вратот, кое може да се развие поради неколку причини, вклучувајќи лошо држење на телото, недостаток на сон, повреда и стрес, може да биде поврзано со тензични главоболки и мигрена.
„Нашите наоди ја поддржуваат улогата на мускулите на вратот во патофизиологијата на примарните главоболки. Затоа, третманите насочени кон мускулите на вратот може да доведат до истовремено олеснување на болката во вратот, како и на главоболката“, вели лекарот Нико Солман.
Солман истакна дека неинвазивните опции за третман кои директно го таргетираат местото на болка во мускулите на вратот, како масажа или акупунктура, можат да бидат многу ефикасни и побезбедни од лековите.
Според Американската фондација за мигрена, двајца од тројца возрасни во САД страдаат од тензични главоболки, а повеќе од 37 милиони Американци страдаат од мигрена. Но, и покрај одличната статистика, сѐ уште не е пронајден универзален третман и лек.