Напаѓачот на Лајпциг по крајот на сезоната заминува во Челси како засилување за тимот на Френк Лампард.
Тимо Вернер потпиша 5-годишен договор со „Сините“ од „Стенфорд Бриџ“ со кој ќе заработува 170 илјади фунти неделно.
Лајпциг од трансферот на својот најдобар поединец ќе заработи 53 милиони евра. Вернер дојде во Лајпциг од редовите на Штутгарт во 2016 за 14 милиони евра.
„До сите во Челси:
Бескрајно сум среќен што се приклучувам кон „Сините“ наредната сезона! Чувствувам дека тоа е вистинскиот потег за мене и сум пресреќен што ќе бидам дел од Челси. Навистина едвај чекам да заиграм за толку неверојатен и историски клуб! Навивачи на Челси, се гледаме наскоро!“, твитна Вернер објавувајќи и кратка видео-порака.
Вернер ќе ја доигра сезоната во Бундеслигата каде се останати уште само две кола, а во Лондон ќе дојде на почетокот од јули.
Сезонава ги одигра сите 32 натпревара во Бундеслигата на кои постигна 26 голови и забележа 8 асистенции. 24-годишниот напаѓач е и стандарден репорезентативец на Германија за која на 29 натпревари има 11 голови.