Северна Кореја јавно осуди двајца тинејџери на 12 години тешка работа за гледање јужнокорејски серии забранети во земјата, тврди BBC на корејски јазик повикувајќи се на снимки од истражувачкиот институт САНД.
На видеото, за кое се верува дека е направено во 2022 година, се гледаат двајца 16-годишници врзани со лисици пред стотици студенти на стадион на отворено, како и униформирани полицајци, кои ги караат тинејџерите затоа што „не размислувале длабоко за нивните грешки“.
Обезбеденото видео наводно било дистрибуирано во Северна Кореја со цел идеолошко образование и предупредување граѓаните да не гледаат „декадентна содржина“, а вклучува и наратор, кој повторува државна пропаганда.
Како што пишува BBC, полицијата ги именувала тинејџерите и ги открила нивните адреси.