Љубов и секс

Топ 5 секс фантазии: Што се крие зад овие желби?

5. декември 2019 - 15:58 | А.С.

Петте најчести сексуални фантазии се покорност, доминација, егзибиционизам, воајеризам и групен секс. Повеќето луѓе не сакаат да направат ништо повеќе од фантазирање за овие желби.

Секс фантазиите се моќен начин за зголемување на возбудата и за размрдување на сексуалниот живот на двојките.

Многу луѓе фантазираат за време на сексот и тоа им помага да се ослободат од инхибициите или стресот и повеќе да се возбудат и да уживаат во сексот, објаснува секс терапевтот Иан Кернер од Њујорк.

Сексуалните фантазии им помагаат на луѓето да излезат од реалноста и понекогаш здодевното секојдневие, но тоа не значи дека сакаат овие фантазии да им се остварат.

Напротив, повеќето луѓе кои учествувале во разни истражувања на оваа тема рекле дека сакаат нивните секс да останат токму тоа – фантазии.

Петте најчести сексуални фантазии се покорност, доминација, егзибиционизам, воајеризам и групен секс. Што се крие зад секоја од нив?

Покорност

Во оваа фантазија, личноста ја возбудува помислата да биде покорна пред партнерот, односно партнерката. Врзување на рацете и/или нозете, ставање лисици, ставање превез на очите, давање наредби... Оваа фантазија е честа кај луѓе кои се на високи, одговорни функции и кои во текот на денот постојано шефуваат на некој друг, па во сексуалната фантазија сакаат целосно да се предадат во рацете на другиот.

Доминација

Спротивно од покорноста. Оној кој сака да доминира е оној кој сака да ја има контролата во сексуалната игра – да врзува, да наредува, да шефува. Најчесто за нешто вакво фантазираат луѓе кои се покорни во „обичниот“ живот.

Кернер вели дека овие луѓе многу често фантазираат дека се доминантни во сексот бидејќи голем дел од времето се чувствуваат немоќно.

Егзибиционизам

Во ваквите фантазии, луѓето си замислуваат дека некој ги „фатил на дело“, дека некој ги гледа како имаат секс, дека партнерот ги гледа како мастурбираат... Она што ги возбудува е чувството на ранливост. Најчесто егзибиционизмот како фантазија се јавува кај луѓе кои не се многу отворени, како во сексот, така и во емоционалниот живот.

Воајеризам

Една од почестите сексуални фантазии е воајеризмот – гледање на сексуален чин или самозадоволување. Чувството на возбуда расте со сознанието дека се навлегува во нечија интима, дека на некој начин сте дел од чинот. Луѓето кои имаат вакви секс фантазии се и големи љубители на порно, особено аматерски порно видеа.

Групен секс или секс во тројка

Кренер смета дека оваа фантазија има многу малку врска со вистинска желба за повеќе луѓе во сексуалната игра. Вистинската фантазија е да се гледа партнерот/партнерката во моменти на врвно уживање. Има и двојки кои заедно сакаат да присуствуваат на места каде има групен секс, но не и да учествуваат. Некои секс терапевти сметаат дека оваа фантазија е честа кај луѓе кои ги возбудува задоволството на другиот и се во постојана потрага по нови начини како да го задоволат другиот.

Коментирај