Американскиот претседател Доналд Трамп накратко излезе од воената болница „Волтер Рид“, во која е хоспитализиран поради коронавирус, и од автомобил ги поздрави своите приврзаници.
– Претседателот Трамп кратко се провози во колона возила со цел да ги поздрави своите приврзаници пред болницата и веднаш се врати во претседателскиот апартман во медицинскиот центар „Волтер Рид“, соопшти Белата куќа по „кратката прошетка“ на американскиот претседател.
Тој е забележан во колоната возила, која полека минала покрај болницата, каде биле собрани негови приврзаници.
Своето ненадејно излегување го сними и го објави во кратко видео на Тwitter.
– Мислам дека малку ќе ги изненадиме патриотите кои се на улица, напиша Трамп на Тwitter и им заблагодари на лекарите.
— Donald J. Trump (@realDonaldTrump) October 4, 2020
Новинарите акредитирани во Белата куќа упатија критики до Трамп бидејќи не биле известени за неговото кратко и ненадејно излегување од болницата.
Невообичаено е новинарите кои се акредитирани во Белата куќа да не го следат движењето на шефот на државата.