На политички собир во Охајо, поранешниот американски претседател Доналд Трамп најави дека на 15 ноември ќе „има голема објава“ од неговата резиденција на Флорида.
„Во вторник, 15 ноември во Палм Бич, Флорида ќе соопштам нешто важно“, изјави Трамп.
Поранешниот американски претседател не соопшти повеќе детали, велејќи дека не сака „да ја намали важноста на денешните, критични избори“.
Според претходни извештаи, се очекува Трамп да ги соопшти плановите за кандидатура за претседател во 2024 година, по изборите во Конгресот.
Во САД се одржуваат избори во Конгресот, денес се гласа за целиот Претставнички дом, една третина од Сенатот и за гувернерски места во неколку клучни сојузни држави.
Според низа предвидувања, Републиканците веројатно ќе ја зголемат нивната застапеност во двата дома на американскиот Конгрес, што ќе даде можност за опструкција на некои од иницијативите на актуелната демократска администрација.