Американскиот претседател Доналд Трамп го сподели неговото мислење за тоа кој е виновен за пандемијата со COVID-19.
Трамп повторно ја обвини Кина дека е одговорна за ширењето на коронавирусот и оцени дека причина за тоа е или огромна грешка или нечија некомпетентност.
„Кинезите велат дека вирусот дошол од Европа. Не, не е од таму, сите знаат дека вирусот потекнува од Кина. Коронавирусот можеше да биде запрен во Кина. Можеше да биде запрен на самиот извор. Тоа можеше без проблеми да се направи, но нешто се случи. Или тоа беше огромна грешка на Кинезите или некомпетентност. Некој беше глупав и не си ја изврши работата како што треба. Се случи нешто“, изјави Трамп пред новинарите.
САД се дефинитивно една од најпогодените земји во светот, со над 76.000 смртни случаи и над 1,3 милиони заразени.
Трамп се соочува со жестоки критики поради начинот на кој ја води државата и неподготвеноста на здравствениот систем да се справи со пандемијата.
