Треба ли да носиме заштитна маска?

Дали секој од нас треба да носи заштитна маска за да го спречиме ширењето на коронавирусот? Ова прашање често се поставува во последно време.

Имено, студијата која е направена во САД тврди дека капките кои се испуштаат во процесот на кашлање можат да досегнат и до шест метри во далечина, а капките кои се испуштаат при кивањето и до осум метри. Дејвид Хејман за BBC News рече дека новото истражување може да донесе промени во советите за носење на заштитни маски.

СЗО препорачува дистанцирање од еден метар од личноста која кива или кашла за да избегнете ризик од инфекции. Освен тоа, тие велат дека само заразените луѓе од COVID-19 треба да носат маска, исто како и оние коишто се грижат за заболените лица.

На брифинг во Белата куќа, Дебора Брикс, членка на претседателовиот Штаб за борба потив коронавирусот, изјави дека Центрите за контрола на болести во САД, (CDC) во текот на следните денови во препораките за заштита од заразата ќе го додадат и носењето заштитни маски.

И шефот на Штабот за превенција на коорнавирусот, потпретседателот Мајкл Пенс, на брифингот во Белата куќа изјави дека мерката за носење маски ќе биде донесена најдоцна за неколку дена.

Администрацијата на Трамп и службите за јавно здравје досега ја отфрлаа нужноста за носење маски, тврдејќи на почетокот дека за здравите лица таквите мерки се непотребни, па дури и контрапродуктивни.

Бројката на жртви од коронавирусот во САД до доцна синоќа изнесуваше 5.887 лица, а на заразените во сите 50 сојузни американски држави надмина 243.000 лица.

Дали ќе се направат промени во врска со заштита и ширење на коронавирус, ќе процени групата на советници на СЗО.