Кристијано Роналдо на почетокот на оваа година го потпиша најголемиот договор во историјата на фудбалот со Ал Наср.
Иако за седум дена ќе го прослави 38-от роденден, според неговиот тренер нема да ја заврши кариерата во Саудиска Арабија.
Руди Гарсија ја даде шокантната изјава по поразот на Ал Наср со 3:1 од Ал Итихад во Суперкупот на Саудиска Арабија.
Францускиот стручњак дел од вината за тој резултат ја префрли на Роналдо, а подоцна изјави дека верува дека Португалецот ќе го напушти клубот и ќе се врати во Европа.
„Кристијано Роналдо нема да ја заврши кариерата како играч на Ал Наср. Тој ќе се врати во Европа и таму ќе ги одигра последните натпревари во кариерата“, изјави Гарсија.
Многумина се скептични за зборовите на Гарсија бидејќи доколку Роналдо го заврши договорот со Ал Наср ќе инкасира 500 милиони евра и ќе има 40 години, а тешко е да се поверува дека би можел да се вработи во Европа.
Но, во текот на сите овие години научивме една работа - со Роналдо сè е можно.
