Тренерот на Челси, Греам Потер, ги доживува најтешките моменти во кариерата, а од некои навивачи доби и смртни закани.
Од 25 натпревари откако е на чело на Челси, Потер победи само на девет. Поради ова, навивачите редовно го вознемируваат.
„Добив грди пораки на меил. Сакаат да умрам. Секако дека не е пријатно да добивам такви пораки. Освен мене, тие му се закануваат и на моето семејство", изјави Потер во пресрет на лондонското дерби со Тотенхем, што ќе се игра в недела.
„Не е пријатно ни кога те пцујат на улица. Можеш да одговориш на два начина. Можам да кажам дека не ми е гајле, но ќе знаете дека лажам. Секако дека ми е важно што мислат луѓето за мене. Се разбира, со вакви резултати, мора да прифатите критика. Разбирам дека навивачите се лути, но тоа не значи дека имаат право да навредуваат и да упатуваат смртни закани“, рече Потер.
