Затоплувањето, пријатните температури и цветањето на билките за луѓето кои имаат проблеми со алергија претставува период кој бара особена претпазливост, како и подготовка.
Дури 30% од светското население е погодено од алергии, а овој процент постојано расте. Оваа претерана реакција на имуниот систем на луѓето на изложеност на супстанци кои кај повеќето луѓе не предизвикуваат реакција, може да се ублажи со секојдневни активности.
Доколку минувате подолго време на отворено, е не сте се истуширале пред спиење, постои можност поленот да остане на вашата постелнина и во текот на ноќта да бидете изложени на алерген.
Доколку сте утрински тип и повеќе сакате тренинзи во тоа време од денот, треба да знаете дека концентрацијата на полен е најголема во периодот од 5 до 10 часот наутро. Затоа, размислете за тоа дали да вежбате во затворен простор или да го промените терминот.
Постелнината треба да ја перете на 90 степени за да ги елиминирате сите честици на полен. Барем двапати неделно треба да чистите со правосмукалка и редовно да бришете прашина, бидејќи на тој начин се намалува присуството на полен во просторијата.
