Домашните трикови можат да ви помогнат кога сакате да заштедите пари. Наместо скапи производи за чистење и освежувачи на простории, можете да користите некои производи што веќе ги имате дома. Она што е важно е дека ефектот ќе биде скоро ист.
Ова се само некои од домашните трикови кои многу ќе ви ја олеснат работата:
Покрај за миење на забите, пастата можете да ја користите и за свеж мирис на тоалетот и ВЦ школката. Пресечете го дното на пастата од двете страни и ставете ја во казанчето. Секој пат кога ќе пуштите вода, таа ќе се пени и ќе остави свеж мирис.
Ако имате изгорени тенџериња и не знаете како да ги исчистите - има решение. Истурете сода бикарбона и оцет врз изгорениот дел, а потоа избришете со сунѓер. Целата нечистотија веднаш ќе исчезне.
Ако вашите санитарии во бањата или кујната се извалкани, обидете се со кечап. Нанесете го на валканиот дел и почекајте неколку моменти да почне да делува. Потоа избришете со крпа.
Можете да користите газирани пијалаци за да отстраните нечистотија и бактерии од ВЦ школката. Истурете го газираниот пијалак во ВЦ школката и пуштете вода - тоалетот ќе биде кристално чист.
Бевте отсутни неколку минути, а кога се вративте во собатаго начекавте вашето дете како го шара по ѕидот со боички? Земете фен за коса и доближете го до обоениот ѕид и почекајте ѕидот да се загрее. После тоа, избришете го ѕидот со крпа. Внимавајте да не го оштетите.
Користете гумени ракавици за да и отстраните влакната на вашето домашно милениче од креветот. Едноставно, поминете со ракавицата преку креветот или подрачјето каде влакната се насобрале и лесно ќе ги подигнете.
Ако ве нервираат мали честички прашина и коса кои не можете да ги соберете со метла, залепете леплива лента на долниот дел од метлата и користете ја за чистење на подот. Ќе видите како косата и прашината се лепат за лентата, а неа е лесно да ја отстраните и да ја замените со нова.
