Rockstar Games ќе ја лансира трилогијата Grand Theft Auto во ноември, која ќе вклучува подобрени верзии на GTA III, Vice City и San Andreas.
Пакетот од три игри се вика Grand Theft Auto: The Trilogy - The Definitive Edition и носи бројни графички подобрувања на веќе познатите игри.
Дигиталната верзија ќе биде достапна од 11 ноември по цена од 59,99 долари, а ќе биде достапна на Nintendo Switch, PlayStation 4, PlayStation 5, Xbox One, Xbox Series X и S, како и на компјутер преку игрите на Rockstar Launcher.
Во првата половина на 2022 година, трилогијата пристигнува на iOS и Android.
Физичкото издание се очекува на 7 декември.
Претплатниците на Xbox Game Pass ќе можат да преземаат Grand Theft Auto: San Andreas - The Definitive Edition од првиот ден, додека Grand Theft Auto III - The Definitive Edition пристигнува на PlayStation Now на 7 декември.
Секоја од трите игри ги надгради Grove Street Games и заврши голема работа за да ги разубави и да ги направи подобри за играње од верзиите на PlayStation 2. Rockstar го користеше Unreal Engine и целосно го промени системот за осветлување, со графички подобрувања кои се гледаат во секој дел на играта. Промените се однесуваат и на подобрените сенки, временски услови, рефлексии, моделите на ликовите и на автомобилите. Зголемено е draw distance, површините се подобро изведени, а резолуцијата на текстурите на предметите, оружјето, патиштата и ентериерот е значително подобра.
PC верзијата поддржува Nvidia DLSS технологија која им овозможува на гејмерите подобро да ги користат различните графички картички без забележителен пад на визуелниот квалитет.
Оваа трилогија ја одбележува и 20-годишнината од Grand Theft Auto III, кој се појави на конзолата PS2.