Две жени користеле GPS за да стигнат на посакуваната дестинација на Хавајските Острови, но наместо тоа рутата ги однела директно во морето.
На социјалните мрежи се појави видео-снимка на која се гледа како две туристки на Хаваите со автомобилот паднале в море откако ги следеле инструкциите на GPS уредот по кој пат да одат.
Во автомобиолот се наоѓале две особи на кои веднаш им била пружена помош, по што безбедно го напуштиле возилото што тонело. Двајца мажи веднаш скокнале да им помогнат на жените кои биле заглавени во автомобилот, на кој сепак му немало спас.
Автомобилот за брзо времне бил потопен. „Прилично сум сигурна дека ова не требало да се случи“, вели девојката што ја снимила необичната случка. Таа подоцна во полицискиот извештај навела дека екипаж на една едрилица бил сведок како автомобилот влетал директно во пристаништето покрај нив. „Сцената беше неверојатна, сите се чудевме што се случува. Патниците беа туристки кои се обидувале да ја пронајдат туристичката компанија и ги следеле насоките на GPS-от, кога погрешно свртеле накај водата“, раскажува сведокот.
Нормално, коментарите на вакво видео изобилуваат. „Дали гледаат низ шофершајбната? Што сѐ нема да видам во денешно време“, „Кога престанаа да му веруваат на GPS-от? Кога ја видоа огромната морска шир пред нив? Или кога видоа дека има повеќе чамци од автомобили? Луѓето не престануваат да ме изненадуваат“, „Значи, кога ќе видите вода, не застанувате туку продолжувате и целосно влегувате со автомобилот. Не разбирам“, „Ова беше скапо летување“, се некои од досетливите коментари.
