Националното координативно тело за COVID-19 на Црна Гора размислува за можноста за отворање на границите за граѓаните на Русија од 1 август.
Ако одлуката биде позитивна, тоа би ги израдувало вработените во туристичката дејност, објави весникот Dnevne novine од Подгорица.
Ваквото размислување се темели на информациите дека во Русија со денови се бележи значителен пад на бројот на заразени со коронавирус и дека вчера во земјата имало најмалку заразени од април наваму.
Дали ќе биде донесена ваква одлука зависи од низа фактори кои ги диктира пандемијата со COVID-19, објави весникот.
Факт е дека има огромен интерес кај руските државјани за летување во Црна Гора, за што сведочат бројните повици на туристичките агенции во врска со датуми за отворање на границите за Русите.
Црна Гора веќе ги отвори границите за туристи од Украина и Белорусија, а стигнуваат и првите туристи од Израел.
Во Црна Гора во индивидуални сместувачки капацитети во 2019 година биле регистрирани 1.352.028 туристи, од над 98 отсто биле странци.
На прво место биле Русите (29,%), па Србите (25,3%), па граѓани на БиХ (10,6%), Украина (3,8%), Германија (3,2%) и Полска (2,1%). Туристите од другите земји вкупно заземаат 19%.
