Новата функција, која Twitter ја тестира, се вика CoTweet и е привремен експеримент, велат од компанијата.
Twitter експериментира со нова функција, која им овозможува на два профила заеднички да креираат твит. Компанијата ова го нарекува CoTweet, а функцијата моментално се тестира на селектирани профили во САД, Канада и Кореја.
Со CoTweet, две сметки може да се поврзат како автори на еден твит, кој ќе се појави во временските линии на двата профила. Се чини дека функцијата е повеќе насочена кон брендовите и креаторите отколку кон стандардните корисници на Twitter.
„CoTweets им помага на авторите да го споделат вниманието на јавноста, да ги отклучат можностите за ангажирање нова публика и да ги подобрат нивните воспоставени партнерства“, објаснува Twitter. Функцијата првпат беше забележана во февруари оваа година, кога започнаа првите тестови.
Тој забележува дека CoTweet е привремен експеримент, но нема информации за тоа кога функцијата би можела да стане пошироко достапна.
