Во средата навечер 37-годишен дански државјанин со место на живеење во Копенхаген уби пет лица во напад со лак и стрела во градот Конгсберг, југозападно од Осло.
Две лица кои го преживеаја нападот се на интензивна нега, но повредите не се опасни по живот.
Полицијата го истражува мотивот за нападот, но засега не е окарактеризиран како терористички, се верува дека дејствувал сам.
Норвешката премиерка Ерна Солбер изјави дека извештите за инцидентот се ужасни.
„Разбирам дека многу луѓе се плашат, но важно е да се нагласи дека полицијата засега ја контролира ситуацијата“, изјави таа.
Напаѓачот во поход тргнал во супермаркет во западниот дел на градот, а меѓу повредените е и полицаец кој не бил на должност. Напаѓачот е приведен 34 минути по почетокот на нападот.
По овој напад на сите полициски службеници низ земјата им е наредено да носат огнено оружје како дополнителна заштитна мерка. Обично, полицијата во оваа земја не е вооружена.
