Дерек Шовен, поранешен полицаец од Минеаполис и обвинет за убиство на Џорџ Флојд, денеска е пуштен од затвор бидејќи платил кауција од 1 милион долари.
Освен него, осудени се уште тројца други полицијаци кои платиле кауција од 750 илјади долари и се на слобода до судењето.
Судењето е закажано за март 2021 година.
Државниот обвинител на Минесота, Кит Елисон, соопшти дека обвинението против Дерек Шовен е проширено од убиство од трет степен на убиство од втор степен, бидејќи тој е идентификуван како полицаецот кој со колено го притискал Флојд на вратот и го задушил, што предизвикало срцев застој и подоцна смрт.
Да се потсетиме дека смртта на Афроамериканецот Џорџ Флојд поттикна низа масовни и често насилни протести низ САД против полициската бруталност.
