Новата крими драма „The Good Nurse“, во која главните улоги ги толкуваат Џесика Честејн и Еди Редмејн, предизвика различни реакции во јавноста. Многумина останаа шокирани по откривањето на вистинските детали за приказната по која е инспириран филмот.
На Netflix е прикажан филм инспириран од вистинита приказна за Чарлс Кален, медицински техничар и сериски убиец кој убил стотици пациенти во текот на неговата 16-годишна работа во неколку болници во Њу Џерси. Уапсен бил во 2003 година. Признал дека сторил 40 убиства, од кои 29 се потврдени иако преку интервјуа со полицајци, психијатари и новинари бројот на убиства е многу поголем. Осуден е на 11 доживотни затворски казни.
„Самиот факт дека филмот „The Good Nurse“ е направен според вистинит настан е ужасен“, смета еден гледач.
„Штотуку го гледав филмот и навистина е застрашувачка помислата дека тоа се случило во вистинскиот живот“, се согласува друг.
„Го гледав „The Good Nurse“, тоа е толку морничав филм, но и чудесна глума на Еди. Тој и Џесика се одлични“, гласи мислењето на трет гледач.
Многумина се осврнаа на проблемите со здравствениот систем во Америка. Наведоа дека филмот се обидува да укаже на пропустите и проблемите на здравствената нега во американските болници.
„The Good Nurse“ е хорор филм. Но, не е хорор поради медицинскиот техничар кој убива луѓе. Не. Хорор е и поради катастрофалната состојба во која се наоѓа американското здравство“, смета гледач.
