Компанијата која ја води популарната УФЦ серија во борби во кафез се спојува со WWE федерацијата за борење (кај нас познати како кечери) за да формираат компанија вредна 21,4 милијарди долари.
Новата компанија ќе биде дом на УФЦ и WWE брендовите, а компанијата Endeavor Holdings ќе има 51% од акциите во компанијата, додека преостанатите 49% ќе одат кај постоечките акционери на WWE. Новиот бизнис ќе биде предвоен од генералниот директор на Endeavor, Ари Емануел, додека Дана Вајт ќе продолжи да биде претседател на УФЦ, а Винс МекМахон останува извршен претседател на WWE.
Фокусот на компанијата ќе биде максимизирање на медиумските права, зголемување на спонзорствата и нудење на нови форми на борење и борби. Досега, неколку ѕвезди имаа настапи и во WWE и во УФЦ, како Брок Леснар и Ронда Раузи.
