Украински хакери креирале лажни профили на социјалните мрежи каде се претставуваат како жени со цел да ги измамат руските војници и ги дознаат нивните локации. Целта е потоа да им овозможат на украинските сили да ги уништат непријателските бази.
Руската агресија ги принуди Украинците да смислат нови начини на војување, а веќе е познато дека користат комерцијални дронови и цивилни пилоти на дронови за одбрана од моќниот непријател. Додека Западот ги снабдува со оружје и дронови, украинската војска се адаптира на потребите на терен што вклучува и иновации за нејзините напади бидат поефикасни.
Во тоа помага и група компјутерски професионалци - хакери кои своите вештини ги применуваат во одбрана на земјата. Работат со тајни и безбедносни локации, а една таква група ја води хакерот Никита Книш. Овој триесетгодишник претходно работел како експерт за сајбер безбедност и спречувал хакерски напади.
По нападот на Русија Никита одлучил да ја брани Украина така што формирал тим од 30 професионалци кои почнале да вршат напади, откри тој за Financial Times. Водачот на хакерскиот тим вели дека хакерите се претставувале како привлечни жени на социјалните мрежи, меѓу кои и Телеграм каде контактирале руски војници. Хакерите знаеле дека Русите сакале да се пофалат дека се војници и побарале фотографии од нив. Токму тие фотографии Украинците ги искористиле за откривање локации. Информациите потоа биле проследени на украинската војска по што е разнесена руска база.
Никита тврди дека групата е одговорна и за хакерски напади на руски ТВ станици, откривање база на податоци на руски воени партнери и друго.