На социјалните мрежи се појавија снимки од првите украински војници како влегуваат во Херсон, откако руската војска беше принудена да го напушти окупираниот регион и единствениот регионален центар освоен од почетокот на војната во Украина.
Член на украинскиот совет во Херсон објави дека скоро цел град се наоѓа под контрола на украинските сили и моментално се врши потрага по преостанатите руски војници.
На централниот плоштад во Херсон граѓаните и партизаните кренаа руски знамиња, а на снимките се гледа како граѓаните ги пречекуваат.
Исто така, на снимките се гледа како украинските трупи го креваат знамето на зградата на Генералната дирекција на националната полиција во Херсон.
Се гледа и како, во центарот на градот, жителите на Херсон ја прославуваат победата заедно со украинските војници.
Русија објави дека заврши со повлекување на војската од западниот брег на Днепар, а уништен е и мостот што беше единствената копнена врска меѓу Херсон и југот на Украина.