Непознато лице синоќа украло трамвај во Загреб, го возело околу Трешњевац, каде го оставило и заминало во непознат правец.
„Синоќа нешто пред 23 часот непознат сторител украл нископоден трамвај кој бил подготвен за сообраќај, го возел на исток кон улицата 'Тратинска', каде го оставил возилото и заминал во непознат правец“, соопшти ЗЕТ за Хрватскиот портал Index.
Во трамвајот за тоа време немало патници, а во инцидентот, велат, нема повредени, додека возилото не е оштетено.
Полицијата запленила снимки од видео надзорот во возилото за да го пронајде сторителот, а од ЗЕТ велат дека е покрената внатрешна истрага за утврдување на одговорноста за овој пропуст.
