Трансфер шпекулациите за зимскиот период велат дека Енис Барди би можел да заигра во Бундеслигата.
Откако пред нецели две недели на клупата на клубот од германската престолнина седна хрватскиот стратег Ненад Бјелица, се отвораат вратите и за нашиот Енис Барди во овој тим.
Имено, Унион Берлин лани беше огромно изненадување во Бундеслигата, дури избори и учество во Лигата на шампионите, но сезонава игра катастрофално и е закован на последното место.
Токму затоа управата се одлучи да го отпушти Швајцарецот Урс Фишер, кој во клубот е од јуни 2018 и го внесе во Бундеслигата, па потоа играше и во Европа конференциската лига, Лига Европа и сега Лигата на шампиони.
Бјелица добро го позмнава Барди бидејќи од април до октомври годинава го водеше Трабзонспор, каде имаше половичен успех. Хрватскиот стратег е добро запознаен со квалитетите на Барди и токму затоа го посакува како едно од зимските засилувања.
Македонскиот капитен во моментов има вредност од 6 милиони евра и не се очекува Трабзонспор да прави проблем за евентуален трансфер со оглед на тоа што Барди во последните месец дена е преселен на клупата за резерви под водство на новиот стратег Абдулах Авџ'.
За жал Барди и да се пресели во Берлин нема да игра во Лигата на шампионите бидејќи на коло до крајот Унион нема шанси да заврши на првите две позиции и единствено може да се избори за продолжување во Лига Европа, ако ја помине Брага. За такво нешто треба да триумфира на дуелот со сезонава перфектниот Реал Мадрид, а Брага да загуби од Наполи.
