Авиокомпанијата United Airlines привремено ја приземји целата своја флота од сосема нови авиони Airbus A321neo.
Одлуката на United нема никаква врска со безбедноста на авионите, туку со знаците за забрането пушење, кои датираат од прописите од 1990 година. Според тие прописи, таблите „забрането пушење“ мора рачно да ги управува екипажот, а новодизајнираниот Airbus A321neo има софтвер кој автоматски ги прикажува знаците за време на летот за да не мора екипажот да ги вклучува и исклучува. Токму тука настанал целиот проблем.
Да потсетиме, пушењето беше целосно забрането на домашни и меѓународни летови пред речиси 25 години.
„Контроверзните“ системи за автоматска сигнализација не се нови. Многу авиокомпании ја заобиколуваат регулативата од 1990 година со барање за ослободување до Федералната управа за воздухопловство (ФАА). United аплицираше за ослободување на целата своја флота уште во 2020 година, што беше одобрено, но има еден проблем. Airbus A321neo е сосема нов авион, така што не потпаѓа под заштита на тоа изземање. Овие авиони почнаа да летаат пред само два месеца.
United бара дозвола од ФАА да го додаде Airbus A321neo на постојното ослободување и тоа барање е во фаза на разгледување, но компанијата веќе доби „привремена“ дозвола да продолжи со летовите додека процесот е во тек.
„ФАА наведува дека ова не е безбедносен проблем. Пет од нашите авиони A321neo беа надвор од употреба во понеделникот, што резултираше со доцнење на летовите, но не и откажувања. Ги заменивме авионите со други модели за да ги минимизираме непријатностите за патниците“, соопшти United.
Компанијата потроши 650 милиони долари за своите пет нови авиони.
