Лесно замесете фантастично универзално тесто со кое можете да подготвите секакви работи.
Универзалното тесто може да се користи за солени печива, како и за слатки задоволства. Со него можете да направите сѐ што ќе ви текне, а подготовката е едноставна, па секој ќе знае како да го замеси. Ако ви треба тесто за пица, мекици, колачиња, крофни, пирошки, ова е вистинскиот избор.
Потребни состојки:
- 200 мл топла вода + 200 мл врела вода
- 10 гр сув квасец
- 1 лажичка сол
- 1 лажичка шеќер
- 3 лажици масло
- 550-650 гр брашно
Подготовка:
Истурете го квасецот во топла вода и оставете 5 минути. Во сад ставете 3 лажици брашно, шеќер, сол и масло. Истурете врела вода, измешајте. Почекајте неколку минути додека смесата не се олади до многу топла состојба, бидејќи квасецот не сака жешко. Додадете вода со квасец. Постепено додавајте го брашното. Месете го тестото додека не стане мазно. Се става во сад, се покрива со крпа и се остава 10-15 минути. Тестото е готово. Потоа може да се користи за секаков вид пециво.
