Веб-прелистувачот наречен Samsung Internet сега е достапен како самостојна апликација за оперативниот систем Windows и може да се преземе преку Microsoft Store.
Прелистувачот на Samsung базиран на Chromium овозможува увоз на отворени јазичиња, обележувачи и зачувани страници, како и прелистување на историјата на поврзаниот мобилен телефон доколку корисникот се најави со сметка на Samsung.
Синхронизацијата со лозинка сè уште не е достапна.
За да можат корисниците да го пробаат Samsung Internet, неопходно е да имаат инсталирано Windows 10 или понова верзија на нивните уреди.
Прелистувачот поддржува екстензии од веб-продавницата на Chrome, како и светол и темен режим.
Апликацијата е тешка само 130 MB и изгледа точно како верзијата за мобилни телефони и таблет компјутери Samsung.
